Македонија во текот на летниот период (јуни и јули) ќе биде организатор на три фјучрс турнири во машка конкуренција. Натпреварите ќе се играат на терените на тенискиот клуб „Тенис парк Скопје“ што се наоѓаат во склоп на СЦ „Јане Сандански“.
Наградниот фонд на секој од турнирите ќе биде 10.000 долари, а првиот ќе почне на 20 јуни.
Следните два ќе следуваат веднаш по него. Ова ќе биде убава можност македонските тенисери по подолго време да настапат на „домашен терен“, а љубителите на овој спорт покрај можноста да ги бодрат македонските тенисери ќе можат да следат и мечеви од меѓународен карактер.
Последниот фјучрс турнир во Македонија се одигра во 2008 година.