Кварталната добивка на јапонската автомобилска компанија „Тојота“ се зголеми за 21 отсто.
Профитот на Тојота во периодот од јануари до март достигна 480,8 милијарди јени (4,4 милијарди долари), додека истиот период минатата година изнесуваше 398 милијарди јени.
Приходите од кварталната продажба пораснаа на 7.580 милијарди јени (69 милијарди долари).
Во изминатата фискална година, завршена во март годинава, „Тојота“ оствари рекорден профит од 2.490 милијарди јени (23 милијарди долари), што е 36 отсто повеќе во однос на претходната фискална година.
Истовремено приходите се зголемени за шест отсто, на 268 милијарди долари.
„Тојота“ во претходната фискална година продаде 10,44 милиони автомобили во светот, во однос на 10,25 од претходната фискална година.
Во тековната фискална година, која завршува во март 2019 година, „Тојота“ очекува продажба од 10,5 милиони возила.