Јапонскиот производител на автомобили „Тојота“ најави повлекување на 209.000 возила, што се наоѓаат во продажба во САД, заради можна грешка на сигурносниот појас.
Повлекувањето се однесува на моделот „ФЈ крузер“, произведен меѓу 2007 и 2013 година, јапонските медиуми го пренесуваат соопштението на компанијата.
-Постои можност затегнувачите на појасот за возачкото и сувозачкото седиште, монтирани на задните врати од возилата, да се откачат заради постојаното отворање и затворање на задните врати, се наведува во соопштението на „Тојота“.