Јапонскиот производител на автомобили „Тојота“ на Саемот во Женева го претстави новиот „иРоуд“ концепт на флексибилна форма на градско возило.
Концептот е замислен како совршено превозно средство за две лица во градскиот сообраќај со електрична батерија, кој има автономија на движење од 50 километри и „АктивЛин“ технологија, која според компанијата е безбедна и забавна за возење.
Целна група на „иРоуд“ се лица кои бараат нешто поудобно и побезбедно од мотоцикл со еднакво мала потрошувачка.
Револуционерната „АктивЛин“ технологија е основна за ставилноста, безбедноста, удобноста и забавниот карактер на иРоуд.
Системот се состои од иницијатор на наклон, кој се наоѓа над предната суспензија и го контролира наклонот на тркалата врз основа на аголот на вртење и брзината на возилото.
иРоуд има три тркала, должина од 2.35 метри и висина од 1.4 метри, додека широчина од само 85 сантиметри. На едно обично паркинг место може да собере четири вакви возила.
Електричниот погон се состои од литиум-јонски батерии кои придвижуваат два мотори на предните тркала од по 2 киловати. Полнењето трае три часа во домашни услови.