Јапонскиот производител на автомобили „Тојота“ подготвува нова револуција во светот на автомобилите. Пред 16 години го претстви првиот сериски хибриден автомобил „Приус“, а сега го подготвува и првиот сериски автомобил придвижуван од водородни горивни ќелии.
Тојота новиот автомобил, што претходно беше претставен како концепт „ФЦВ-Р“ официјално ќе го претстави во ноември на Саемот на автомобили во Токио.
Компанијата истакнува дека изминатите неколку години има драстичен пад на трошоците за развој на технологијата на горивни ќелии. Самата издржливост и доверливост на технологијата бележи правопропорционален раст со примената на револуционерни технолошки решенија.
Се очекува новиот сериски водороден модел на Тојота да има цена што ќе се движи во рамките на БМВ од високата средна класа или Тесла Модел С.