Страшен инцидент ја одбележа спринт трката за Големата награда на Франција во МотоГП, откако легендарниот шпански возач Marc Márquez доживеа тежок пад во самиот финиш на трката во Ле Ман.
Осумкратниот светски шампион при голема брзина загуби контрола над моторот и силно удри во асфалтот, по што публиката и членовите на тимовите останаа во шок.
Според првичните информации, Маркез успеал самостојно да стане, но видливо куцал и со болки ја напуштил патеката.
Трката ја одбележа доминантната победа на Jorge Martín, кој со фантастичен старт од осмата позиција стигна до првото место уште во првиот круг и до крајот сигурно ја задржа предноста.
Зад него завршија Francesco Bagnaia и Marco Bezzecchi.
По падот на Маркез, лекарските тимови веднаш реагирале, а дополнителните медицински прегледи ќе покажат дали Шпанецот ќе може да настапи на главната трка во недела.
Инцидентот повторно ги отвори прашањата за честите повреди со кои Маркез се соочува во последните години, додека љубителите на мотоспортот со нетрпение ги очекуваат официјалните информации за неговата состојба.