Македонскиот шампион Металург го очекува тежок испит против фаворизираниот Вестпрем во дуел од регионалната ракометна СЕХА лига.
Избраниците на Лино Червар кои се на шестото место на табелата, ќе треба да се надминат себеси и проблемите со кои се судруваат во последните 30-тина дена, доколку сакаат да направат изненадување и на унгарскиот шампион да му го нанесат првиот пораз сезонава во СЕХА конкуренцијата. Гостите од Унгарија на досегашните десет средби во регионалното натпреварување имаа исто толку победи.
Дуелот Металург – Вестпрем е во рамките од 12.коло, а ќе се игра во СЦ „Борис Трајковски’’ со почеток од 19 часот.
Потсетување вториот македонски претставник во СЕХ лигата, Вардар вчеравечер пред својата публика го совлада Борац од Бања Лука со 31:26.