Актуелната победничка во Светскиот куп скијање Ана Фенингер беше префрлена во болница поради повреда на коленото за време на тренингот на само три дена пред почетокот на новата сезона.
Како што објави Скијачката федерација на Австрија, Фенингер падна за време на тренингот во слалом и беше пренесен со хеликоптер во болницата во Инсбрук.
25-годишната Австријка која во последните две сезони ја освои титулата севкупен победник на Светското првенство има проблеми со коленото веќе неколку години.
Новата сезона ќе биде отворена в сабота традиционално со трка во дисциплината велеслалом на глечерот Ретенбах кај австрискиот скијачки центар Солден.
Фенингер минатата година го подели првото место во оваа трка со американската скијачка Микаела Шифрин.