Јапонската компанија „Сузуки“ го најави концептот иВ-4, кој ќе биде претставен на Саемот во Франкфурт од 10 до 22 септември.
Станува збор за СУВ возило од ниска класа, со кое јапонскиот производител го најавува идниот сериски модел.
Сузуку објави само две затемнети фотографии на кои се гледа силуетата на возилото и предната светлосна група. Концептот иВ-4 би требало да се најде меѓу моделите Џими и Гранд Витара.
– Иако наследува некои елементи карактеристични за претходните СУВ модели на компанијата, како што е поделената маска во пет сегменти или обликот на хаубата, концептот иВ-4 со својот стил претставува модерен и иновативен автомобил, се наведува во краткото соопштение на јапонската компанија.
Повеќе детали за концептот ќе бидат познати по неговата премиера во септемри 2013 година.