Меѓународниот судија Александар Ставрев ќе го суди дербито на 25.коло од Првата фудбалска лига меѓу Работнички и Шкендија што во среда ќе се игра во Скопје на Националната Арена „Филип Втори“. На Ставрев ќе му асистираат: Марјан Кировски и Дејан Костадинов, додека Дејан Димитријевиќ ќе биде четвртиот судија.
Дуелот во Охрид меѓу Пелистер и Силекс ќе го суди Марјан Маркоски, a Димитар Мечкаровски ќе суди во Тетово на натпреварот меѓу Ренова и Вардар.
Јосип Бартон ќе го суди дуелот Македонија ЃП – Победа, додека Далибор Ѓорѓевски ќе биде на центарот на дуелот Брегалница – Шкупи.
Сите натпревари се играат во среда (5.април) со почеток во 16 часот.