Машката одбојкарска репрезентација на Македонија со победа го започна својот нов (четвртти) настап во Европската лига.
Македонските одбојкари вечерва во рамките од 1.коло на А групата ја победија репрезентацијата на Азербејџан со максимални 3:0.
Првите два сета македонските одбојкари ги добија со идентични 25-19, додека во третиот на противникот му препуштија поен повеќе (25-20).
Во првата средба од оваа група чии натпревраи се играат во СРЦ „Кале’’ во Скопје, репрезентацијата на Албанија, иако губеше од Шведска со 2:0 во сетови, сепак во продолжението успеа да напрви пресврт и мечот го доби со 3:2, по сетови 15-25, 23-25, 25-23, 26-24 и 15-9.
Утре во дуелите од 2.коло ќе играат Шведска – Азербејџан од 17 часот и Македонија против Албанија во терминот од 20 часот и 45 минути.