Светскиот рекет број 1 Новак Ѓоковиќ треба да ги надмине тешкотиите не само на теренот, туку и надвор од него.
Србинот мораше да се врати по елиминацијата од Мастерсот во Париз минатата недела поради лошата здравствена состојба на неговиот татко Срѓан, и сега е јасно дека проблемите продолжуваат.
Вчера изутрина Срѓан Ѓоковиќ бил пренесен со приватен авион од Белград во познатата и многу модерна болница Гросгадерн во Минхен.
Според информациите таткото на тенисерот има сериозни респираторни проблеми кои се предизвикани од инфекција.
Клиниката во Минхен пак располага со најмодерните технологии за третман и затоа е преферирана од семејството на Ѓоковиќ. За време на транспортот со Срѓан имало тим кој ја следел состојбата на пациентот.
Новак учествува на завршниот турнир на ATП во Лондон. Денес тој се соочува со светскиот број 3 Енди Мареј во вториот натпревар од групата А .
Со победа Србинот ќе се пласира во полуфиналето.