Семејството Милер, во чија сопственост е НБА клубот од Солт Лејк Сити, Јута Џез, постигна договор за продажба на клубот на основачот на „Qualtrics“, Рајан Смит, пренесува „ESPN“.
Вкупната зделка, која ќе ја вклучува и арената во која тимот ги игра мечевите во Солт Лејк Сити, ќе биде околу 1,6 милијарди долари.
Рајан Смит е роден во Јута и е долгогодишен навивач на тимот. Претходните сопственици, семејството Милер, ја поседуваа Јута цели 36 години. Договорот сега мора да биде одобрен од Одборот на гувернери на НБА.
Минатата сезона Јута беше елиминирана во првото коло од конференцискиот плејоф, губејќи со 3-4 од Денвер.