Тренерот на Реал Мадрид, Сантијаго Солари не е загрижен за гласините што со клубот го поврзуваат Жозе Мурињо. Шпанските медиуми веруваат дека Реал ќе му испрати понуда на Португалецот да седне на тренерското место. Мурињо вчера беше отпуштен од Манчестер Јунајтед.
– Ги третирам сите мои колеги со огромна восхит и почит. Тие прават исклучителна работа. Ги ценам оние кои работеле во Реал и оставиле белег во историјата на клубот. Зошто да се грижам за овие шпекулации? Гласини се појавуваат секој ден. Тие се дел од реалноста. Мислам само на мојата работа и за подобрување на играта на тимот, изјави Солари.
Аргентинскиот стручњак дојде на тренерската позиција во Реал во текот на сезоната на местото на Хулен Лопетеги.