Најдобрата женска ракометна репрезентација денеска ги почнува подготовките за претстојните бараж дуели со Шпанија. Селекторот Гино Стрезовски подготовките ќе ги реализира започнувајќи од денеска, а репрезентацијата пет дена ќе работи во Дојран.
На 27 мај подготовките ќе продолжат во Скопје во СРЦ „Кале“ каде и ќе се игра натпреварот со Шпанија од баражот за Светското првенство во Србија 2013 година.
Натпреварот со Шпанија се игра на 1 јуни (сабота), а реваншот е на 7 јуни (петок) во Сориа.
Селекторот Стрезовски по баражот со Шпанија ќе продолжи со работа со репрезентативките, бидејќи истата селекција ќе продолжи да се подготвува за настапот на Медитеранските Игри во Мерсин, Турција.
На овие подготовки Стрезовски повика 19 ракометарки:
Наташа Антиќ (Металург), Дијана Наумоска (Жито Прилеп) и Фросина Крстевска (Вардар СЦБТ) – голмани;
Сара Ристеска (Металург), Симона Гроздановска (Металург), Драгица Митрова (Металург) и Ивана Маневска – (крила);
Тања Шалевска (Жито Прилеп), Душица Георгиевска (Металург), Биљана Црвенкоска (Вардар СЦБТ), Мирјета Бајрамовска (Металург), Елена Георгиевска (Будуќност), Савица Мркиќ (Жито Прилеп), Моника Јанеска (Турција) и Зорица Десподовска (Металург) – бекови;
Наташа Младеновска (Металург), Робертина Мечевска (Металург) и Марија Серафимовска (Жито Прилеп).
Поради повреда настапот го откажа Ивана Саздовски.