Словенечката скијачка Тина Мазе е светска шампионка во спуст откако синоќа беше најбрза на трката од Светското првенство. Таа патеката во Бивер Крик ја мина за 1:45.89 минута и за само две стотинки беше побрза од Ана Фенингер од Австрија, која е актуелна шампионка во супервелеслалом.
Третото место и бронзениот медал и припадна на Лара Гут од Швајцарија, која имаше заостанување од 34 стотинки зад победничката.
Денеска на Светското првенство на програмата е машкиот спуст.