Свечениот настан во Цирих во понеделникот, на кој Меѓународната фудбалска федерација (ФИФА) ги додели наградите за најдобри фудбалери за изминатата 2016 година, сепак не пројде без скандал.
Швајцарските медиуми јавуваат дека уште додека траела церемонијата, некој украл шест луксузни часовници од марката „Хаблот“, наменети за лауреатите. Нивната вредност изнесува 100.000 евра.
На добитниците на крајот им бил врачен резервниот сет часовници, па така бил избегнат и поголем срам.
Организаторите од ФИФА веднаш ја алармирале полицијата. Истрагата се уште трае.
Во случај часовниците да бидат пронајдени, повторно ќе им бидат врачени на фудбалерите.