Чешката компанија „Шкода“ претстави неколку уникатни додатоци за своите модели наменети за корисници со домашни миленичиња, а меѓу нив е и безбедносен ремен за кучиња.
Безбедносниот ремен за кучиња ги штити домашните миленичиња во случај на незгода. Освен ремен во понуда се наоѓа и заштита за задните седишта, така што, се останува чисто и уредно по превоз на домашно милениче.
Караванските изведби може да бидат опремен и со решетка за багажниот простор, која е достапна за моделите Фабиа, Октавија и Суперб. Решетката го дели багажниот простор на два дела, така што, во едниот дел може да се смести домашното милениче, а во другиот багажот.
Во понуда се наоѓа и вертикална решетка поставена директно над наслонот за глава на задните седишта, што спречува домашното милениче да премине од багажниот во просторот за патници.