На женскиот дел од Грен слем турнирот на Ролан Гарос во 2.коло се елиминирани сестрите Вилијамс. Поуспешна од најдобрата тенисерка на светот Серена Вилијамс беше Шпанката Гарбина Мугуруза, која за 64 минути со 6:2 во двата сета извојува сензационална победа.
Во следното коло таа ќе игра против Ана Шмиедлова од Словачка, која беше подобра од Венус Вилијамс со 2:1 во сетови (2:6; 6:3 и 6:4).
Елиминирана е и 12.та носителка Фабиа Панета од Италија која загуби со 2:1 во сетови од Јохана Ларсон од Шведска.
На машкиот дел од турнирот без поголеми изненадувања во досегашната програма и пласман во 3.коло обезбедија: Жил Симон и Ернестс Гулбис, додека од носителите загуби само Михаил Јужњи (15.ти носител) од Радек Штепанек со 3:1 во сетови.