Иако нема играно од минатогодишниот Вимблдон, освојувачката на 23 гренд слем титули, Серена Вилијамс најави дека е можен камбек на годинешниот гренд слем на трева во Лондон и покрај тоа што има 40 години.
Најавата доаѓа во исто време кога се зголемија шпекулациите за нејзино пензионирање откако нејзиниот долгогодишен тренер Патрик Муратоглу почна да работи со романската тенисерка Симона Халеп.
Зборувајќи покрај НФЛ-ѕвездата Арон Роџерс во Мајами, во видео објавено на нејзиниот „Инстаграм“, Американката најави враќање.
„Зборувавме за мојот камбек. Тој ме загрева и ме подготвува за Вимблдон. Едвај чекам“, вели Серена.
По освојувањето на последна гренд слем титула на Австралија опен во 2017, Вилијамс загуби во четири гренд слем финалиња, во кои можеше да го стигне рекордот на Австралијката Маргарет Корт од 24 гренд слем титули.