Ракометарите на македонскиот првак меѓу два натпревара од Лигата на шампионите, вечерва во салата „Автокоманда“ во Скопје го пречекуваат тимот на Татран Прешов. Во првото коло овие два тима не го одиграа натпреварот, а со службен резултат Словаците го добија натпреварот.
Ова ќе биде можност за реванш на македонскиот шампион, а секако и за поткревање на атмосферата во пресрет на саботниот дуел со Шамбери од Лигата на шампиони.
Натпреварот Металург – Татран Прешов започнува во 18 часот.
Во рамките на 10.коло денеска играат уште и: Ловќен – Извиѓач, Слога Добој – Загреб КО и Нексе – Борац Бања Лука.
Дуелот Мешков Брест – Вардар Про е одложен и ќе се одигра на 6 февруари 2013 година.
Табела: Загреб КО 19 бодови (9 натпревари), Татран Прешов 18 (9), Вардар Про 17 (9), Нексе 16 (9), Металург 15 (8), Ловќен 14 (9), Мешков Брест 13 (8), Извиѓач 9 (9), Борац БЛ 7 (9), Слога Добој 0 (9).