Една победа ги дели кошаркарите на Сан Антонио од освојување на шампионскиот трофеј во НБА лигата, откако ноќеска во петтиот дуел од финалната серија на свој терен го победија Мајами со 114:104.
Најзаслужни за повторното водство на „Спарси“ во серијата прв до четири победи беше триото ветерани. Тони Паркер реализира 26 поени, Емануел Џинобили 24 поени и 10 асистенции и Тим Данкан со 17 поени и 12 скокови.
За Мајами кој е бранител на титулата вообичаено Леброн Џејмс со 25 поени и 8 асистенции и Двејн Вејд со 25 поени и 10 асистенции беа најдобрите поединци.
На шестиот дуел од големото финале домаќин ќе биде Мајами, исто како и на евентуалната мајсторка доколку изедначи на 3-3 во победи.