Објавени се финалистите за наградата најдобар играч и тренер на сезоната во Премиерлигата, а најмногу кандидати има новиот шампион Ливерпул.
Номинирани се осум играчи, меѓу кои тројца играчи на Ливерпул, Рајан Гравенберг, Мохамед Салах и Вирџил ван Дијк.
Во игра за наградата се и дуото од Нотингем Форест, Морган Гибс-Вајт и Крис Вуд, напаѓачот на Њукасл Јунајтед, Александар Исак, крилниот напаѓач на Брентфорд, Брајан Мбеумо и играчот од средниот ред на Арсенал, Деклан Рајс.
Во конкуренција за наградата за најдобар менаџер се Томас Френк (Брентфорд), Еди Хау (Њукасл Јунајтед), Нуно Еспирито Санто (Нотингем Форест), Витор Переира (Вулверхемптон) и Арне Слот (Ливерпул).
Победниците ќе ги одлучат гласовите на навивачите и фудбалските стручњаци.
Минатата сезона наградите отидоа во рацете на Манчестер Сити. Најдобар менаџер беше Пеп Гвардиола, а најдобар играч Фил Фоден.