Рускиот тенисер Данил Медведев денеска соопшти дека ќе игра на АТП турнирот во Дубаи, кој ќе се одржи од 26 февруари до 2 март.
Медведев последен пат играше на крајот на јануари во Мелбурн во финалето на Австралија опен, каде беше поразен од Италијанецот Јаник Синер со 3:6, 3:6, 6:4, 6:4, 6:3.
Рускиот тенисер поради повреда ги пропушти турнирите во Ротердам и Доха, поради што падна на четвртото место на АТП листата. Тој денеска на социјалните мрежи објави дека ќе ја брани титулата на турнирот во Дубаи.