Македонската репрезентативка Росана Кироска го освои 68.место на Светското првенство во нордиски дисциплини што се одржува во Фалун, Шведска.
Таа патеката од 10 километри ја истрча за 33:08.4 минути и само две натпреварувачи имаа послаб резултат, а една не ја заврши трката.
Кироска претходно во квалификационата трка го освои осмото место и избори можност да настапи на денешната трка.
Инаку, светска шампионката стана Шарлот Кала од Шведска, која имаше време од 25:08.8 минути. Сребрениот медал и припадна на Џесика Дигинс од САД, која имаше заостанување од 41 секунда зад победничката, а бронзата и припадна на нејзината сонародничка Американката Кеитлин Грег.