Кристијано Роналдо е еден од најдобрите играчи во светот веќе 20 години. Со години беше најдобар, покрај Лионел Меси, но веќе ја помина 40-тата година и проговори за пензионирање.
Португалецот не заборави да постигнува голови. Ги тресе мрежите во Ал Наср и португалската репрезентација, но полека размислува за пензионирање.
Роналдо објави дека Светското првенство во 2026 година ќе биде последното што ќе го игра за репрезентацијата.
– Навистина уживам во моментов. Како што знаете, во фудбалот, кога ќе достигнете одредена возраст, месеците се бројат многу брзо. Се чувствувам многу добро во овој момент. Постигнувам голови, сè уште се чувствувам брзо и остро. Уживам во мојата игра во репрезентацијата. Но, да бидеме искрени. Она што го мислам под „наскоро“ е веројатно една или две години – рече Роналдо.
Португалецот постигна над 950 голови во својата кариера и дефинитивно ќе биде запаметен како еден од најдобрите, а според многумина и најдобриот напаѓач на сите времиња.