Каде и да се појави, Кристијано Роналдо руши рекорди. Истото беше и на натпреварот против Унгарија (2:2) во квалификациите за Светското првенство 2026.
Тој ги постигна двата гола за Португалија и со тоа ја испиша фудбалската историја по којзнае кој пат.
Имено, фудбалерот на Ал-Наср стигна до бројката од 41 гол во квалификациите за Светското првенство и е најдобар.
Досега, рекордот со 39 гола го држеше Карлос Руиз од Гватемала, кој вчера мораше да му го предаде првото место на еден од најдобрите играчи на сите времиња.
View this post on Instagram
– Не е тајна дека претставувањето на националниот тим ми значи многу и затоа сум многу горд што стигнав до оваа единствена пресвртница за Португалија. Благодарност до сите што ми помогнаа да стигнам до таму. Ќе се видиме во ноември за да обезбедиме место на Светското првенство – напиша Роналдо на социјалните мрежи.
Португалија е прва во групата Ф со 10 бода, пет повеќе од Унгарија и е на добар пат да се квалификува за Светското првенство во 2026 година.
Светското првенство ќе се одржи од 11 јуни до 19 јули во САД, Канада и Мексико.