Според распоредот првото коло од женската македонска Супер лига го донесе големото дерби меѓу лутите ривали Металург и Вардар СЦБТ. Дуелот се одигра во салата „Автокоманда“ и заврши нерешено 23:23.
На полувремето домаќинките водеа со 11:10, најмногу по заслуга на Симона Гроздановска за која „вардарките“ не најдоа одбрана.
Во вториот дел Вардар заигра подобро па во 45.минута ја имаше и највисоката предност од четири голови (19:15). Сепак, упорните ракометарки на Металург не се откажуваа до последниот момент и тоа им донесе резултат. Зорица Деспотовска и Робертина Мечевска ги реализираа последните два напада и му донесоа бод на тимот од скопска Автокоманда.
Гроздановска со осум и Мечевска со седум погодоци беа најефикасни во домашниот состав, а во тимот на Вардар се истакнаа Јованка Радичевиќ и Марија Лопур дадоа по пет голови.
На другите две средби од 1. коло постигнати се следниве резултати: Кожувачанка – Жито Прилеп 21:29 и Металург Скопје – ЖРК Вардар 20:19.