Екипата на Мајами Хит реализираше рекордни во историјата на клубот 149 поени при победата со 149:141 по две продолженија остварена ноќеска над Денвер Нагетс.
Џејмс Џонсон стана херој за „жешките“ во второто продолжение на натпреварот, кога последователно забележа кош од игра, две тројки и забивање обезбедувајќи недостижна предност за неговиот тим, откако по првото продолжение резултатот беше 131: 131.
Џонсон ја заврши средбата со 31 поен и 11 скока, Кели Олиник додаде 30, а кај гостите се истакна Србинот Никола Јокиќ со 34 поени и 15 скока.
Со победата Мајами го помина Милвоки и сега е седми во Источната конференција на НБА лигата.
Денвер е 10-ти во Западната конференција.