Бекот на шампионот Мајами Хит Реј Ален на натпреварот против Феникс, кој неговата екипа го доби со 124:99 го постигна 23.000 поен во својата кариера во НБА лигата.
На дуелот со Феникс реализираше 15 поени и стана 24. кошаркар во историјата на НБА лигата со постигнати повеќе од 23.000 поени.
Во летниот преоден рок Ален ги засили редовите на шампионот откако од Бостон дојде во тимот од Флорида. Претходно со екипата на Бостон ја освои титулата во 2008 година, а во својата кариера го има носено и дресот на Милвоки и на Сиетл.