Најдобриот играч на светот Кристијано Роналдо не ја почна сезоната според очекувањата. Посебно не му оди во шпанската Примера каде прикажува далеку послаби игри отколку во Лигата на шампионите.
Оваа сезона Португалецот во дресот на Реал Мадрид во Примера одигра шест натпревари и постигна само еден гол, за разлика од шесте погодоци во Лигата на шампионите и тоа на само четири средби.
Поуспешен во ЛШ е и во упатените удари, во просек 7,3 наспроти 6,7 во домашниот шампионат.
Драстична е разликата кога ќе се погледне процентот на успешност на ударите. Во ЛШ Роналдо шутира со 20,5 отсто успешност, додека во Примера тој процент е речиси десет пати помал (2,5).