Германскиот тенисер Александар Зверев успеа да се пласира во финалето на Мастерсот 1000 во Рим откако во полуфиналето со 2-1 во сетови (6:4 ; 6:7; 6:1 во гемови) го победи Американецот Џон Изнер.
Ова за германскиот тенисер е најголем успех и прв пласман во финале на турнир од овој ранг.
Тој за противник во финалето (се игра утре) ќе го има победникот од мечот меѓу Новак Ѓоковиќ и Доминик Тием што почнува вечерва од 20 часот.
Во женското финале утре ќе играат: Симона Халеп и Јелена Свитолина. Халеп ја совлада Кики Бертенс со 2-0 во сетови, додека Свотолина до финалето стигна откако нејзината ривалка денеска Гарбине Мугуруза го предаде мечот поради повреда во првиот сет при водство на Свотолина од 4:1 во гемови.