Првите фотографии и технички детали од освежениот модел Панамера на Порше се објавени на Интернет непосредно пред официјалната премиера на автомобилот.
Редизајнираниот модел Панамера има видно изменет преден и заден дел.
Изменети се предните светла, како и целиот преден браник заедно со отворите за воздух. Модифициран е и задниот браник, како и вратата од багажниот простор, а задните светла сега се со ЛЕД технологија.
Освен стандардниот модел, предвиден е и Панамера С Е-Хибрид, со погонски систем составен од 3,0 литарски В6 мотор, електромотор и пакет литиум-јонски батерии. Хибридниот модел ќе испорачува вкупна моќ од 416 коњски сили, што е доволно за забрзување од 0 до 100 километри на час за 5,5 секудни и максимална брзина од 269 километри на час.
Моделот Панамера С е опремен со нов трилитарски В6 мотор со 419 коњски сили и намалена потрошувачка на гориво за околу 20 проценти.
Официјалното претставување на автомовилот е закажано за Саемот на автомобили во Шангај, кој крајот на април 2013 година.