Mercedes-Benz ќе го претстави новиот модел GLA Concept на салонот во Шангај.
Со тоа е во голема временска предност пред конкурентските модели BMW X2, чија премиера е најавена дури за 2016 година, и пред Audi Q2, кој доаѓа една година пред тоа.
Основата на возилото потекнува од класата А, а концептот на каросеријата е развиен како кросовер купе.
Купувачите ќе можат да избираат меѓу верзија на GLA со погон на предните тркала или на сите тркала. Покрај дизелите со моќност од 136 и 170 КС, во понуда ќе биде и бензинецот со 211 КС во GLA 250.
Врвен модел ќе биде GLA 45 AMG, со погон на сите тркала како стандард и со дволитарски мотор со моќност од 350 КС.