Екипата на Мемфис извојува победа на гостувањето против Оклахома Сити со 99:93 и изедначи во полуфиналната плеј-оф серија на 1-1.
Мемфис доби три четвртини, а последната со 30:19 што се покажа како решавачко за првата победа во разигрувањето за титулата од Западната конференција против Оклахома Сити.
И во двата тима имаше по еден играч, кој беше на чекор од „трипл дабл“ Мајк Конли кај Мемфис со 26 поени, 10 скокови и 9 асистенции, а Кевин Дјурант (Оклахома Сити) имаше 36 поени, 11 скокови и 9 асистенции.
На вториот НБА дуел ноќеска Њујорк ја совлада Индијана со 105:79 и изедначи на 1-1 во Источното конференциско полуфинале.
Домашните последната четвртина ја добија со 33:13. Најефикасен на дуелот беше Кармело Ентони со 32 поена.
Вечерва играат: Мајами – Чикаго (0-1 во победи) и Сан Антонио – Голден Стејт (1-0).