Репрезентацијата на Шведска за фудбалери до 21 година ја освои титулата европски првак откако синоќа во финалето одиграно на „Еден Стадион“ во Прага по изведувањето на пенали беше поуспешна од Португалија. За младите фудбалери на Шведска ова е прва титула во нивното второ финале.
Во регуларниот дел и по продолжението немаше голови и натпреварот заврши 0:0, а по пенал серијата дуелот заврши со 4:3 за Шведска откако голманот Патрик Калгрен ги одбрани пеналите на Португалците во третата (Рикардо Есаио) и во петтата серија (Вилијам Карваљо). Голманот на Португалија Жозе Са, пак одбрани еден пенал (четврта серија на Абдулах Халили).
Во натпреварите од групната фаза (3.коло) на 24.јуни Португалија и Шведска одиграа нерешено 1:1 и со тој резултат и двете селекции се пласираа во полуфиналето.