Ракометарите на Металург го забележаа четвртиот пораз во групата Ц од Лигата на шампионите, прв на домашен терен откако вчера вечер, во „ВИП Арена“ во СЦ „Борис Трајковски“ загубија од поранешниот европски првак Монпеље со 30:24.
По стартното водство од 3:1 за гостите Металург со серија од 3-0 поведе со 4:3 и потоа дваесетина минути резултатот најчесто беше нерешен. Во финишот на првиот дел по неколкуте грешки на играчите на Металург во нападот, Монпеље постигна лесни голови и на полувремето водеше со 14:10.
На почетокот на вториот дел гостите само ја зголемија разликата и во 40.минута имаа водство од 20:13. Во продолжение следуваше серијата на Металург од 9-2 за 24:22 за гостите, но македонскиот претставник немаше сили за пресврт.
Најефикасни беа кај Металург Немања Обрадовиќ со 10 голови и Матју Гребил кај Монпеље со 10 голови.
На вториот натпревар од групата Ц одигран вчера Чеховски Медведи – Татран Прешов 28:29.
Табела: Монпеље 8 бодови, Ла Риоха 7, Татран 6, Елверум 5, Чеховски Медведи 4, Металург 4.