Фудбалските репрезентации со исклучок на оние од Африка, максимално го искористија вчерашниот термин за одигрување на контролни натпревари. Во дуелите што привлекоа најголемо внимание Англија го победи Бразил со 2:1, додека Шпанија беше поуспешна од Уругвај со 3:1.
Изненадување на вечерта е поразот на Португалија на домашен терен од Еквадор со 3:2.
Сите противници на Македонија од квалификациската мундијалска група, исто како и „црвено-жолтите“ остварија победи. Хрватска ја совлада Јужна Кореја со 4:0, Србија го победи Кипар со 3:1, Шкотска славеше против Естонија со 1:0, а Белгија беше поуспешна од Словачка со 2:1, додека Велс ја совлада Австрија 2:1.
Резултати на некои од другите натпревари: Чиле – Египет 2:1, Словенија – Босна и Херцеговина 0:3, Албанија – Грузија 1:2, Израел – Финска 2:1, Турција – Чешка 0:2, Холандија – Италија 1:1, Франција – Германија 1:2, Русија – Исланд 2:0.