Седумкратниот светски шампион во Формула 1, Михаел Шумахер е парализиран и има проблем со говорот и помнењето изјави пријателот на германскиот возач, Филип Штрајф.
Штрајф е поранешен возач на Формула 1, а од 1989 година се наоѓа во инвалидски колички, бидејќи е парализиран по судар на подготвително возење во Бразил, пред почетокот на сезоната.
-Михаел е парализира и се наоѓа во инвалидски колички. Тој не може да зборува и има проблем со помнење. Се наоѓа со семејството, па полесно ќе се опорави. Неговата состојба е подобра, но тоа е релативно и многу тешко-наведе тој.
Французинот и Германецот се долгогодишни пријатели, а Штрајф често го посетуваше Шумахер додека беше во болницата во Гренобл.
Менаџерката на Шумахер, Сабин Кем рече дека Штрајф го изнел „своето мислење“, како и дека не контактирал со семејството.
Е. Г.