Италијанската компанија „Пирели“ и тјунинг компанија „Хејко Спортив“ го претставија преработениот модел „Волво В40“, со кој „Пирели“ слави 140 години постоење.
Основа на моделот е „Волво В40 Т3“ опремен со 1,6 литарски турбо бензински мотор, кој преработен има 200 коњски сили.
„Волво В40 Пирели“ од 0 до 100 километри на час забрзува за 7,9 секунди, а максималната брзина изнесува 230 километри на час. Автомобилот доаѓа со 19 инчни фелги со гуми „Пирели П Зеро“ со димензии 235/25.
Во однос на стандардниот модел „В40 Пирели“ е понизок за 30 милиметри, а дополнително е опремен и со специјални елементи за аеродинамика.
Според компанијата „Хејко Спротив“ специјалниот пакет може да се добие и со другите модели што ги нуди „Волво“.