Германскиот производител на автомобили „Ауди“, непосредно пред Саемот за автмобили во Њујорк, го претстави новиот А3 седан.
Во Европа новиот Ауди А3 ќе биде достапен со три различни четирицилиндарски мотори, ТДИ од 2,0 литри , ТФСИ од 1,4 литри и ТФСИ од 1,8 литри зафатнина.
Дволитарскиот ТДИ дава 150 коњски сили што е доволно за забрзување од нула до 100 километри на час за 8,7 секунди и максимална брзина од 220 километри на час.
Комбинираната потрошувачка на гориво изнесува 4,1 литар на 100 километри со емисија на штетни гасови од 108 грама на километар. Во зависност од моторот на располагање се шестостепен мануелен менувач или С троник менувач.
Димензиите на новиот А3 седан изнесуваат 445 сантиметри должина, 177 сантиметри широчина и 142 сантиметри висина.
Новата функција „драјв селект“ овозможува возачот да ја подеси реакцијата на квачилото, точката не менување брзини и ќе може да се користи во четири различни режими на работа Ауто, Динамик, Комфорт и Индивидуал.