Ракометарките на Вардар направија голем исчекор кон „Фајнал Фор“ турнирот во Лигата на шампионите, откако вечерва забележаа победа на гостувањето во Данска против Митјиланд со 24:23.
Иако домаќинките на полувреме имаа три голови предност (16:13), македонскиот првак во второто полувреме заигра подобро и стигна до победата.
Реваншот од четвртфиналето е закажан за 14 април во Скопје.
Воедно, ова беше седми триумф на „црвено-црните” во меѓусебните дуели со Митјиланд на осум натпревари и 12 победа сезонава во ЛШ на 13 одиграни натпревари.
Драгана Цвијиќ со осум и Андреа Лекиќ со шест погодоци беа најефикасни кај „црвено-црните“, на голот Амандин Лејно и Ина Суслина запишаа по пет одбрани.