Ракометните женски екипи од Македонија и од Хрватска денеска и в недела ќе одиграат по два натпревара од женската регионална лига. Натпреварите ќе се играат во Скопје.
Денеска во салата „Автокоманда“ играат Металург и Локомотива од Загреб во директен дуел за место на завршниот турнир. Ова е натпревар од 9.коло. Почетокот на дуелот е во 16 часот.
Два часа подоцна во СЦ „Борис Трајковски“ Вардар СЦБТ ќе ја пречека екипата на Подравка од Копривница. Ова е дуел од 7.коло.
Истите екипи и в недела ќе ги одиграат по уште еден натпревар, но овојпат Вардар СЦБТ ќе биде домаќин на Локомотива (натпревар од 11.коло), а Металург ќе ја пречека Подравка (натпревар од 13.коло).
Табела: Будуќност 19 бодови (11 натпревари), Подравка 15 (8), Локомотива 11 (9), Металург 10 (9), Заечар 6 (7), Вардар СЦБТ 6 (9), Јагодина 2 (8), Бисери 0 (10).