Членот на работната група на фудбалскиот клуб Партизан, Предраг Мијатовиќ денеска изјави дека сегашниот долг на „црно-белите“ е 53.128.000 евра.
„Вистински момент е да направиме преглед, што направивме во изминатите три месеци откако дојдовме во клубот и да презентираме некои интересни работи кои би можеле да бидат интересни за навивачите. Моја должност е како член на Работната група да излезе пред јавноста Ќе се обидам да бидам искрен, транспарентен и директен, како што ветивме во првото обраќање“, рече Мијатовиќ на прес-конференцијата.