Македонската кошаркарската репрезентација е поразена во четвртфиналето на квалификацискиот турнир во Каракас од Доминиканската Република со 86:76 и со тоа не избори пласман на Олимписките игри во Лондон.
Нашите кошаркари во првото полувреме имаа и +20, меѓутоа Франсиско Гарсија блесна во вториот дел и со вкупни 28 поени беше најзаслужен за победата на Доминиканците. Во нашиот состав Лестер МекКејлеб имаше 35 поени, Самарџиски 11 поени и 13 скока.
А Русија прва обезбеди пласман во полуфиналето на турнирот, откако во четвртфиналето ја совладаа Ангола со 80:65 (25:21; 18:5; 17:16 и 20:23).
Противник на Русија во полуфиналето ќе и биде Нигерја која направи сензација совладувајќи ја Грција со 80:79.
Последни вечерва играат Литванците со Порторико, победникот од овој дуел ќе игра против Доминиканска Република. Само првите три селекции ќе обезбедат учество во Лондон.