Кошаркарите на Шарлот ноќеска приредија изненадување откако постигнаа победа на теренот на првакот Голден Стејт со 111:100. Ова за Шарлот е 13-та победа сезонава со 22 пораза и се наоѓа во долниот дел на табелата на „Исток“, додека Голден Стејт е тимот со најдобар биланс во лигата 28-8 (победи-порази).
Голден Стејт и на овој дуел настапи без повредениот Стеф Кари, а најпрецизен во нивниот тим беше Кевин Дјурант со 27 поени. Најдобар играч на дуелот беше Двајт Хауард со 29 поени и 13 скокови.
Од другите дуели одиграни ноќеска во градскиото дерби на Лос Анѓелес „Клиперси“ ги совладаа „Лејкерси“ со 121:106.