Поранешниот прв човек на фудбалска конфедерација на Јужна Америка Еухенио Фигередо признал земање поткуп како замена за задржување на правата за преноси на натпревари.
Управното тело на фудбалот на Јужна Америка е во центарот на корупциски скандал што изби по истрагата од страна на Федералното обвинителство на САД.
Фигередо во средата е екстрадиран во Уругвај, откако во мај беше уапсен под обвинение за корупција.
Веднаш по пристигнувањето во Уругвај, 83-годишниот поранешен потпретседател на ФИФА беше префрлен од затвор во болница поради болки во градите.
Адвокатот на Фигередо потврди дека неговиот клиент во изјава за судот кажал дека и тој и други функционери на ФИФА од Јужна Америка земале мито.