На Европското одбојкарско првенство за мажи што се одржува во Краков, Полска, денеска ќе се одиграат полуфиналните натпревари.
Во првиот натпревар за влез во финалето ќе се борат селекциите на Србија и Германија, кои во групната фаза ги освоија првите места во групите со три победи, а максималниот учинок го дополнија и со победите во четвртфиналето против Бугарија и Чешка.
Дуелот Србија – Германија ќе започне во терминот од 17:30 часот.
Во вториот полуфинален натпревар, кој на програмата е од 20:30 часот, ќе играат Русија и Белгија.
Натпреварите за медал на програмата се утре, во истите термини (17:30 часот) за трето место и финалето од 20:30 часот.