Прв пат во историјата, одбојкарската репрезентација на Полска ја освои титулата во светската лига. Тимот на Италијанецот Андре Анастазија во финалето во Софија лесно ги совлада САД со 3:0 (25:17, 26:24,25:20).
Пољаците беа подобри во сите елементи на играта, имаа поуспешен напад, сервис, одбрана и блок.
Најдобар поентер во победничката екипа беше Збигњев Бартман со 16 поени, а еден помалку имаше Бартош Курек. Американците ги предводеше капитенот Клејтон Стенли со ист учинок како Курек.
Третото место го освои Куба со победата над домаќинот Бугарија со 3:2 (25:18, 19:25, 23:25, 25:23, 15:12) Бразил е најтрофејна нација во Светската лига со девет титули, Италија има осум, а Русија две.
Репрезентацијата на Полска, која освојувајќи го пехарот доби награда од милион долари, сега е во друштво на Куба, Холандија и САД, кои веќе по еднаш имаат триумфирано во Светската лига.