Полска е светски првак во Одбојка, откако вечерва во Сподек Арена пред 11.000 гледачи го победија трикратниот светски шампион Бразил со 3:1 во сетови.
На почетокот на дуелот Бразил поведе со 1:0, но Полска ги доби следните три сета.
За Полска ова е втора титула светски првак по 1974 година, Бразил остана со три први места и втор пораз во финален натпревар.
Во дуелот за бронзениот медал Германија ја победи Франција со 3:0 во сетови. Следното Светско првенство ќе се одржи 2018 година во Русија.